Rossiya va Gvatemala o‘yini bekor qilindi, sabab aniq

Nijniy Novgorodning "Lokomotiv" klubi sobiq murabbiyi Valeriy Ovchinnikov Gvatemala terma jamoasining mart oyida Rossiyaga qarshi o‘rtoqlik uchrashuvini o‘tkazmaslik qarori haqida fikr bildirdi. Bu haqda Zamin.uz xabar berdi.

Gvatemala futbol federatsiyasi bu qarorni boshqa jamoalar bilan oldindan kelishilgan o‘yinlar mavjudligi bilan izohlagan. Bu haqda euro-football.ru sayti xabar berdi.

Ovchinnikovning ta’kidlashicha, Gvatemala bu uchrashuvdan voz kechgan bo‘lsa ham, Rossiya terma jamoasi boshqa raqib topishi mumkin. U bu qarorga siyosiy omillar ta’sir qilgan bo‘lishi ehtimolini yoki Gvatemala jamoasi Rossiyaga qarshi o‘ynashga tayyor emasligini ham istisno qilmadi.

Shuningdek, u hozirgi sharoitda Rossiya futbolchilari uchun eng muhim vazifa doimiy o‘yin amaliyotini saqlab qolish va musobaqa ritmini yo‘qotmaslik ekanini aytib o‘tdi. Dastlabki ma’lumotlarga ko‘ra, mart oyida Rossiya terma jamoasi Afrika vakillaridan biri bo‘lgan Mali jamoasi bilan o‘rtoqlik uchrashuvi o‘tkazishi mumkin.

Bu o‘yin Rossiya futbolchilari uchun muhim tajriba bo‘lishi kutilmoqda.