Ronaldu «Al-Nasr»da qolishi yoki ketishi mavhum.
Krishtianu Ronaldu Saudiya Arabistonining «Al-Nasr» klubi bilan avval yuzaga kelgan kelishmovchiliklarni hal qilib, yana maydonga qaytdi. Bu haqda Zamin.uz xabar berdi.
Shunga qaramay, yozgi transfer mavsumida portugaliyalik futbolchi boshqa klubga o‘tishi ehtimoli borligi haqida xabarlar tarqalmoqda. Bu haqda euro-football.ru sayti ma’lumot berdi.
Manbalarga ko‘ra, Ronalduning agenti Jorje Mendes Yevropaning bir qator yetakchi klublariga murojaat qilib, 41 yoshli futbolchini o‘z tarkiblariga qo‘shishni taklif qilmoqda. Avvalroq ommaviy axborot vositalarida Ronaldu «Manchester Yunayted»dan ketganidan keyingi nizolar sababli Mendes bilan hamkorlikni to‘xtatgani haqida xabarlar chiqqan edi.
Biroq Transfermarkt ma’lumotlariga ko‘ra, futbolchi hanuz Mendes agentligining mijozlari qatorida qolmoqda. Eslatib o‘tamiz, Ronaldu va «Al-Nasr» o‘rtasidagi amaldagi shartnoma 2027 yilning o‘rtalarigacha davom etadi.
Shu sababli, uning transferi yuzasidan muzokaralar qanchalik muvaffaqiyatli bo‘lishi vaqt ko‘rsatadi.
