Ronaldu Yevropaga qaytishi mumkinmi? Agent izlanmoqda

Krishtianu Ronaldu Saudiya Arabistonining «Al-Nasr» klubi bilan kelishmovchiliklarni hal qilganidan so‘ng, yana maydonga qaytdi. Bu haqda Zamin.uz xabar berdi.

Shunga qaramay, yozgi transfer oynasida portugaliyalik futbolchining yangi klubga o‘tishi ehtimoli hanuz muhokamada qolmoqda. Bu haqda *euro-football.ru* xabar bergan.

The Touchline nashrining ma’lumotiga ko‘ra, Ronalduning agenti Jorje Mendesh bir nechta Yevropa grand klublari bilan aloqaga chiqib, 41 yoshli tajribali hujumchini tarkibga qo‘shishni taklif qilmoqda. Bu futbolchining Yevropa maydonlariga qaytishi ehtimolini oshiradi.

Shuni ham ta’kidlash joizki, avvalroq ommaviy axborot vositalarida Ronaldu «Manchester Yunayted»dan ketganidan keyin agent Mendesh bilan hamkorlikni to‘xtatgani haqida xabarlar tarqalgan edi. Ammo Transfermarkt ma’lumotlariga ko‘ra, Krishtianu hozirga qadar Mendesh agentligining mijozi sifatida ro‘yxatga olingan.

Eslatib o‘tamiz, Ronalduning «Al-Nasr» bilan amaldagi shartnomasi 2027 yilning o‘rtalarigacha amal qiladi. Shu sababli, uning yozgi transfer oynasida yangi jamoaga o‘tishi uchun klub bilan kelishuv zarur bo‘ladi.
"ONE.UZ" yangiliklarini "Telegram"da kuzatib boring