Ronaldu Yevropaga qaytishi mumkinmi?
Krishtianu Ronaldu Saudiya Arabistonining "Al-Nasr" klubidagi kelishmovchiliklarni ortda qoldirib, yana maydonga qaytdi. Bu haqda Zamin.uz xabar berdi.
Ammo yozgi transfer oynasida portugaliyalik futbolchining boshqa klubga o‘tishi ehtimoli dolzarb mavzuga aylandi. Bu haqda euro-football.ru xabar berdi.
The Touchline nashrining ma’lum qilishicha, Ronalduning agenti Jorje Mendes Yevropadagi yetakchi klublar bilan aloqaga chiqib, 41 yoshli futbolchini tarkibga qo‘shishni taklif qilmoqda. Bu harakat Ronalduning Yevropa futboliga qaytishi mumkinligi haqidagi taxminlarni kuchaytirdi.
Oldinroq ommaviy axborot vositalarida Krishtianu Ronaldu "Manchester Yunayted" klubidan ketganidan so‘ng Jorje Mendes bilan hamkorlikni to‘xtatgani haqida xabarlar tarqalgan edi. Ammo Transfermarkt ma’lumotlariga ko‘ra, Ronaldu hali ham Mendes agentligining mijozi sifatida ko‘rsatilgan.
Hozirda Ronalduning "Al-Nasr" klubi bilan tuzilgan shartnomasi 2027 yilning o‘rtalarigacha amal qiladi. Shu bois, uning kelajagi borasida aniq qarorlar yaqin oylarda ma’lum bo‘lishi kutilmoqda.
