Ronaldu Yevropaga qaytishi mumkinmi?
Krishtianu Ronaldu Saudiya Arabistonining «Al-Nasr» klubida faoliyatini davom ettirmoqda va yaqinda boykotdan so‘ng yana maydonga qaytdi. Bu haqda Zamin.uz xabar berdi.
Shunga qaramay, yozgi transfer mavsumida uning Yevropaga qaytish ehtimoli haqida xabarlar paydo bo‘ldi. Bu haqda euro-football.ru xabar bermoqda.
Ma’lumotlarga ko‘ra, Ronalduning agenti Jorje Mendes yozgi transferlar davri oldidan Yevropaning bir nechta yirik klublari bilan muzokaralar olib bormoqda. Mendes portugaliyalik futbolchini yana Yevropa sahnasida ko‘rishni istayotgan klublarga taklif qilmoqda.
Bu futbol olamida katta qiziqish uyg‘otmoqda. Avvalroq Krishtianu Ronaldu «Manchester Yunayted»dan ketganidan so‘ng Jorje Mendes bilan ishni to‘xtatgani haqida xabarlar tarqalgan edi.
Shunga qaramay, Transfermarkt ma’lumotlariga ko‘ra, Ronaldu hali ham Mendes agentligi mijozi hisoblanadi. Eslatib o‘tamiz, Ronalduning «Al-Nasr» bilan tuzgan amaldagi shartnomasi 2027 yilning o‘rtalarigacha davom etadi.
Bu esa uning Yevropaga qaytish imkoniyatlarini qisman cheklashi mumkin. Shu bilan birga, futbolchining o‘z faoliyatini yana yuqori darajada davom ettirish istagi muxlislar orasida katta qiziqish uyg‘otmoqda.
