Mbappe Vinisiusni irqchilikka qarshi qo‘llab-quvvatladi

Madridning "Real" klubi hujumchisi Vinisius Junior jamoadoshi Kilian Mbappega alohida minnatdorlik bildirdi. Bu haqda Zamin.uz xabar berdi.

ESPN Deportes nashrining xabariga ko‘ra, braziliyalik futbolchi seshanba kuni sodir bo‘lgan voqealardan so‘ng fransuz yulduzining uni nafaqat maydonda, balki maydon tashqarisida ham qo‘llab-quvvatlaganini yuksak qadrlagan. Bu haqda euro-football.ru sayti ma’lum qilgan.

"Real" klubi rahbariyati va jamoa a’zolari Vinisiusni Lissabonda bo‘lib o‘tgan uchrashuv davomida yuzaga kelgan mojarodan keyin to‘liq qo‘llab-quvvatlagani aytilmoqda. Eslatib o‘tamiz, Vinisius "Benfika" futbolchisi Janluka Prestiannini irqchilik asosidagi haqoratda aybladi.

Biroq Lissabon klubi vakillari bu ayblovlarni rad etgan. O‘yindan so‘ng Kilian Mbappe Prestianni kabi futbolchilarga Chempionlar ligasida joy yo‘qligini keskin ta’kidlab, o‘z fikrini bildirgan.

Mazkur uchrashuvda "Real" jamoasi safarda "Benfika"ni 1:0 hisobida mag‘lubiyatga uchratdi.