Rossiya va Mali o‘rtasida o‘rtoqlik uchrashuvi bo‘lib o‘tadi

Rossiya terma jamoasi mart oyida Mali jamoasiga qarshi o‘rtoqlik uchrashuvi o‘tkazishi rejalashtirilmoqda. Bu haqda Zamin.uz xabar berdi.

Hozircha Rossiya futbol ittifoqi (RFU) bu haqida rasmiy ma’lumot bermadi, biroq Mali futbol federatsiyasi o‘yinning Krasnodar shahrida bo‘lib o‘tishini bir necha bor tasdiqlagan. Bu haqda euro-football.ru xabar berdi.

Mali futbol federatsiyasi bosh kotibi Sidi Bekaye Sport24 nashriga bergan intervyusida jamoa Rossiyaga to‘liq tarkibda kelishini ma’lum qildi. Uning so‘zlariga ko‘ra, jamoa yetakchilari – Bissuma, Niakate, Sangare va Nene kabi futbolchilar ham Krasnodarga tashrif buyuradi.

Ular 25–26 mart kunlari uchrashuvoldi mashg‘ulotlarini o‘tkazishni rejalashtirgan. Shuningdek, Sidi Bekaye Rossiyaga qarshi o‘rtoqlik o‘yinini kelishish juda oson bo‘lganini ta’kidladi.

Mali jamoasi kuchli raqib bilan o‘yin o‘tkazishdan mamnun ekanini bildirdi. Eslatib o‘tamiz, Rossiya terma jamoasi hozirda UEFA va FIFA sanksiyalari sababli xalqaro musobaqalarda qatnashmaydi va faqat o‘rtoqlik uchrashuvlari o‘tkazishi mumkin.