Mbappe: "Raqsga tush, Vini, va to‘xtama!"
Madridning "Real" klubi hujumchisi Kilian Mbappe jamoadoshi Vinisius Juniorni qo‘llab-quvvatlashini bildirdi. Bu haqda Zamin.uz xabar berdi.
Braziliyalik futbolchi Chempionlar ligasida "Benfika"ga qarshi o‘yinda raqib futbolchi Janluka Prestianni tomonidan irqchilikka duch kelganini aytgan edi. Shu bilan birga, argentinalik futbolchi bu vaziyat Vinisius tomonidan noto‘g‘ri tushunilganini ta’kidladi.
Bu haqda *euro-football.ru* xabar berdi. Mazkur uchrashuvdan keyin Vinisius gol urib, burchak bayrog‘i yonida uni nishonlagan harakati sababli tanqidga uchradi.
Ayrimlar bu harakatni provokatsion deb baholashdi. Biroq Kilian Mbappe jamoadoshini ochiqchasiga qo‘llab-quvvatladi va unga dalda berdi.
"Raqsga tush, Vini, va hech qachon to‘xtama. Ular bizga nima qilishimiz mumkin yoki mumkin emasligini o‘rgata olmaydi", — deb yozdi Mbappe ijtimoiy tarmoqlarda.
Avvalroq, Vinisius Junior Kilian Mbappening qo‘llab-quvvatlovi uchun minnatdor ekanini ham bildirgan edi.
