Argentina Yamalga qarshi maxsus reja tayyorlamoqda
Mart oyining oxirida Ispaniya va Argentina o‘rtasida Finallisima doirasida sovrin uchun bahs bo‘lib o‘tadi. Bu haqda Zamin.uz xabar berdi.
Ushbu uchrashuv Yevropa chempioni va Amerika Kubogi sohibi maqomidagi jamoalar o‘rtasidagi muhim to‘qnashuv sifatida e’tirof etilmoqda. Uchrashuvga hali bir oydan ko‘proq vaqt bor bo‘lsa-da, ikki jamoa murabbiylar shtablari tayyorgarlik ishlarini boshlashgan.
Bu haqda euro-football.ru xabar berdi. The Touchline nashrining DSports Radio’ga tayanib yozishicha, Argentina terma jamoasi Ispaniya vakili, yosh va iqtidorli vinger Lamin Yamalning o‘yin faolligini cheklash bo‘yicha maxsus reja ishlab chiqmoqda.
Rejaga ko‘ra, Yamalga qarshi shaxsiy nazoratni amalga oshirishda kuchli himoyachi Nikolas Talyafigo asosiy variant sifatida ko‘rib chiqilmoqda. Shuningdek, Argentina bosh murabbiyi Lionel Skaloni jismonan qudratli yarim himoya chizig‘ini shakllantirishni rejalashtirmoqda.
Yarim himoyachilarning vazifasi Yamalga qarshi kurashda asosiy e’tibor va kuchni sarflash, zarur paytda esa himoyaviy "qora ish"ni bajarish bo‘ladi. Rejaga ko‘ra, Yamalni ko‘p hollarda ikki futbolchining bosimi ostida qoldirishga harakat qilinadi.
Mazkur muhim uchrashuv 27 mart kuni bo‘lib o‘tishi rejalashtirilgan.
