Ronaldu Osiyo Chempionlar ligasida kamroq o‘ynashni so‘radi
"Al-Nasr" futbol klubi hujumchisi Krishtianu Ronaldu barcha o‘yinlarda qatnashishni istamayotganini ma’lum qildi. Bu haqda Zamin.uz xabar berdi.
Bu haqda euro-football.ru xabar bermoqda. 365Scores Arabic manbasiga ko‘ra, 41 yoshli futbolchi jamoa bosh murabbiyi Jorje Jezushdan Osiyo Chempionlar ligasining dastlabki bosqichlarida uni imkon qadar kamroq maydonga tushirishni so‘ragan.
Ronaldu bu qarorini ortiqcha jismoniy yuklamadan qochish va hal qiluvchi o‘yinlarga yaxshiroq tayyorlanish istagi bilan izohlagan. Shuningdek, u jahon chempionatiga optimal sport formasida yetib borishni maqsad qilgan.
Joriy mavsumda Krishtianu Ronaldu "Al-Nasr" safida 23 uchrashuvda ishtirok etib, raqib darvozasiga 19 ta gol kiritishga muvaffaq bo‘ldi. Portugaliyalik tajribali futbolchi Saudiya Arabistoni chempionatining to‘purarlari ro‘yxatida ikkinchi o‘rinda joylashgan.
U Ayven Toni bilan to‘g‘ridan-to‘g‘ri raqobat olib bormoqda.
