Kompani: Gvardioladan asosiy saboq – mentalitet
"Bavariya" bosh murabbiyi Vensan Kompani Xosep Gvardiola bilan birga ishlagan davrida o‘rgangan eng muhim jihatlari haqida so‘zlab berdi. Bu haqda Zamin.uz xabar berdi.
Belgiyalik mutaxassis avvalroq "Manchester Siti"da Gvardiola boshqaruvi ostida o‘ynagan. Bu haqda euro-football.ru xabar bergan.
Kompani o‘z intervyusida Gvardioladan olgan eng katta saboq taktika emas, balki mentalitetga bog‘liq ekanini ta’kidladi. Unga ko‘ra, har doim g‘alaba uchun yashash, har bir o‘yinni eng muhim bahs sifatida qabul qilish va kuchli yoki zaif raqibga qarshi o‘yin o‘rtasida farq qilmaslik muhim.
Bu yondashuv jamoaning doim yuqori sur’atda o‘ynashiga yordam beradi. Vensan Kompani "Manchester Siti" safida 2008 yildan 2019 yilgacha faoliyat olib borgan.
Xosep Gvardiola esa "shaharliklar"ni 2016 yildan buyon boshqarib kelmoqda. Kompani "Bavariya"dagi faoliyatini 2024 yil yozida boshlagan.
