UEFA "Real" va "Benfika" o‘yinidagi irqchilikni tekshiradi
Chempionlar ligasida "Benfika" va "Real Madrid" o‘rtasidagi o‘yin doirasida mojaro yuzaga keldi. Bu haqda Zamin.uz xabar berdi.
Uchrashuv davomida Madrid klubining hujumchisi Vinisius Junior raqib futbolchisi Janluka Prestianini irqchilikda aybladi. Ushbu holat bo‘yicha UEFA rasmiy tekshiruv boshlaganini ma’lum qildi.
Bu haqda euro-football.ru xabar berdi. "Real Madrid" klubi sodir bo‘lgan voqealarga nisbatan rasmiy bayonot berdi.
Klub ma’lumotiga ko‘ra, payshanba kuni Lissabonda yuz bergan hodisalar bo‘yicha barcha mavjud dalillar UEFAga taqdim etilgan. Shuningdek, "Qirollik klubi" tekshiruv jarayonida faol ishtirok etganini ta’kidladi.
Bundan tashqari, "Real Madrid" Vinisius Juniorni qo‘llab-quvvatlagan xalqaro jamoatchilikka o‘z minnatdorligini bildirdi. Klub sport va jamiyatda irqchilik hamda boshqa salbiy holatlarga qarshi kurashni davom ettirishini qayd etdi.
Bu kabi masalalarda "Real Madrid" o‘z pozitsiyasini qat’iy saqlashini yana bir bor namoyish qildi.
