Sychyov: Marselda futbolchilar doim xalq e’tiborida bo‘lgan

Sobiq futbolchi Dmitriy Sychyov 2003-2004-yillarda Fransiyaning "Marsel" jamoasida to‘p surgan davrlari haqida eslab o‘tdi. Bu haqda Zamin.uz xabar berdi.

U o‘sha paytda shaharda futbolga bo‘lgan qiziqish va futbolchilarga ko‘rsatilgan e’tibor sabab kundalik hayotni odatiy tarzda davom ettirish qiyin bo‘lganini ta’kidladi. Bu haqda euro-football.ru xabar bergan.

Sychyovning so‘zlariga ko‘ra, Marselda futbolchilar doim xalq e’tiborida bo‘lgan. Hatto oddiy oziq-ovqat do‘koniga kirishda ham muammo yuzaga kelgan.

U mahsulot tanlashdan oldin 20-30 daqiqa davomida suratga tushishga majbur bo‘lganini aytib, buni "haqiqiy shov-shuv" deb atagan. Shu sababdan u shahar tashqarisiga ko‘chib o‘tishga qaror qilgan.

Dmitriy Sychyov "Marsel" jamoasi safida jami 44 ta rasmiy o‘yinda maydonga tushgan. U bu o‘yinlarda 7 ta gol urib, 1 ta golli uzatmani amalga oshirgan.