Dibala: Messi va Ronaldu bir-biriga o‘xshash yirtqichlar
"Roma" hujumchisi Paulo Dibala Lionel Messi va Krishtianu Ronaldu bilan bir jamoada o‘ynagan futbolchi sifatida doimiy muhokamalarga sabab bo‘luvchi savolga o‘z fikrini bildirdi. Bu haqda Zamin.uz xabar berdi.
U kim kuchliroq ekani borasida aniq tarafni tanlamadi. Bu haqda euro-football.ru xabar berdi.
Dibalaning so‘zlariga ko‘ra, Messi va Ronaldu texnik jihatdan bir-biridan farq qiladi, lekin ularning ruhiy xususiyatlari juda o‘xshash. Ularning ikkalasi ham g‘alabaga intiluvchi, raqobatni sevuvchi va maydonda o‘zini "yirtqich"dek tutuvchi futbolchilar ekanini ta’kidladi.
Ushbu fikrlar La Gazzetta dello Sport nashrida keltirilgan. Shuningdek, Messi faoliyati davomida sakkiz marta "Oltin to‘p"ni qo‘lga kiritgan bo‘lsa, Ronaldu ushbu mukofotni besh marta yutib olgan.
Bugungi kunda Messi AQShning "Inter Mayami" klubi tarkibida o‘ynasa, Ronaldu Saudiya Arabistonining "Al-Nasr" jamoasida faoliyat olib bormoqda.
