Rossiya va Mali o‘rtasida o‘rtoqlik o‘yini rejalashtirilmoqda
Rossiya futbolining sobiq yulduzi Aleksandr Mostovoy mart oyida Rossiya va Mali terma jamoalari o‘rtasida o‘tkazilishi kutilayotgan o‘rtoqlik uchrashuvi haqida o‘z fikrlarini bildirdi. Bu haqda Zamin.uz xabar berdi.
Bu haqda euro-football.ru xabar bermoqda. Hozircha Rossiya futbol ittifoqi ushbu o‘yin borasida rasmiy bayonot bermagan.
Shunga qaramay, Mali futbol federatsiyasi vakillari uchrashuv bo‘yicha kelishuv mavjudligini tasdiqlashgan. Mazkur uchrashuv 27 mart kuni Krasnodar shahrida o‘tkazilishi rejalashtirilgan.
Aleksandr Mostovoyning fikricha, Rossiya terma jamoasining raqiblari darajasi sezilarli ravishda oshib bormoqda. U ilgari Nigeriya, Peru va Chili kabi jamoalar bilan o‘yinlar bo‘lganini eslatib, endi Mali kabi kuchli jamoalar ro‘yxatda ekanligini ta’kidladi.
Mostovoy, shuningdek, asosiy xulosalarni faqat tarkib to‘liq shakllangach chiqarish lozimligini qo‘shimcha qildi. U: “Endi savdo markazlari bilan emas, balki kuchliroq jamoalar bilan o‘ynayapmiz”, deya o‘z fikrini bildirib o‘tgan.
Ma’lumotlarga ko‘ra, Rossiya terma jamoasi oxirgi yig‘inini o‘tgan yilning noyabr oyida o‘tkazgan. O‘sha paytda jamoa Peru bilan 1:1 hisobida durang o‘ynagan, Chiliga esa 0:2 hisobida mag‘lub bo‘lgan edi.
Hozirda Rossiya xalqaro sanksiyalar sabab rasmiy musobaqalarda ishtirok eta olmayapti.
