Di Mariya harakatlari Argentinada tanqidlarga sabab bo‘ldi

Anxel Di Mariya o‘z vataniga, ya’ni Argentinaga qaytganidan so‘ng dastlabki o‘yinlarda o‘zining yuqori darajadagi mahoratini namoyish etib, ijobiy taassurot qoldirgan edi. Bu haqda Zamin.uz xabar berdi.

Ammo keyinchalik vaziyat o‘zgardi. Gap natijalarda emas, balki uning maydondagi harakatlariga nisbatan raqib jamoalar va muxlislar orasida kuchaygan norozilikda edi.

Bu haqda euro-football.ru xabar bermoqda. Hozirda Di Mariya Argentina chempionatida "Rosario Sentrall" jamoasi safida o‘ynamoqda.

Ammo futbolchining maydondagi ba’zi harakatlari tanqidlarga sabab bo‘lmoqda. Ayrim tomoshabinlar va futbol mutaxassislari uning tez-tez yiqilib, jarima zarbasi yoki penalti olishga urinayotganini ta’kidlamoqda.

Mahalliy sport forumlarida ham bu masala ko‘p muhokama qilinmoqda. Xususan, Di Mariyaning bunday hatti-harakatlari uning yulduzlik maqomini oqlamasligi va bunday holatlar futbol o‘yinlariga zarar yetkazishi haqida keskin fikrlar bildirilmoqda.

Shu bilan birga, uning o‘yindagi bu kabi epizodlari uchun jiddiy ogohlantirishlar berilmagani ham ayrimlarni norozi qilyapti.