Di Mariya harakatlari muxlislar tanqidiga sabab bo‘ldi
Anxel di Mariya o‘z vataniga qaytgach, dastlabki yaxshi natijalardan so‘ng qiyin davrni boshdan kechirmoqda. Bu haqda Zamin.uz xabar berdi.
Ammo muammo uning o‘yin darajasidagi pasayishda emas, balki maydondagi harakatlari sababli raqiblar va muxlislar tomonidan bildirilayotgan tanqidlarda. Bu haqida euro-football.ru xabar bermoqda.
Hozirda Argentina chempionatida «Rosario Sentrall» jamoasi safida o‘ynayotgan va ilgari «Manchester Yunayted» hamda «Real Madrid» klublarida faoliyat yuritgan Di Mariya haqida mahalliy forumlarda turli fikrlar bildirilmoqda. Ayrim muxlislar uni maydonda tez-tez yiqilib, jarima yoki penalti ishlatib olishga urinayotganlikda ayblashmoqda.
Forumlarda «Nega uning bu kabi harakatlariga hech qachon ogohlantirish berilmaydi?», «U yaxshi futbolchi, lekin bunday hiylalar charchatib yubordi», «Bu darajadagi futbolchining penalti so‘rab yurishi achinarli» kabi izohlar tez-tez uchramoqda. Di Mariyaning maydondagi hatti-harakatlari futbol jamoatchiligi orasida turli bahs-munozaralarga sabab bo‘lmoqda.
Uning o‘yin uslubi va harakatlariga nisbatan bildirilayotgan tanqidlar esa hali uzoq davom etishi mumkin.
