Di Mariya o‘yin uslubi tanqid ostida qoldi
Anxel di Mariya o‘z vataniga, Argentinaga qaytgach, dastlabki o‘yinlarda yaxshi natijalar ko‘rsatdi. Bu haqda Zamin.uz xabar berdi.
Ammo keyingi paytlarda futbolchining harakatlari atrofida salbiy fikrlar paydo bo‘la boshladi. Ayniqsa, raqib jamoalar uning o‘yin uslubidan norozi bo‘lmoqda.
Ular di Mariyani maydonda tez-tez yiqilib, fol yoki penalti talab qilishga urinishda ayblashmoqda. Bu haqda euro-football.ru xabar berdi.
Argentina chempionati doirasida o‘tkaziladigan muhokamalarda sobiq “Manchester Yunayted” va “Real” klublari futbolchisi sifatida tanilgan di Mariyaning hozirgi “Rosario Sentral” jamoasidagi o‘yinlari qizg‘in baholanmoqda. Forumlarda futbolchiga nisbatan “Nega di Mariyani hiylalari uchun ogohlantirish berilmaydi?”, “U yulduz bo‘lsa-da, bunday harakatlar jonga tegmoqda” kabi tanqidiy izohlar ko‘payib bormoqda.
Shuningdek, ayrim futbol ishqibozlari uning darajasidagi futbolchidan bunday ochiq-oydin penalti so‘rash harakatlarini ko‘rish achinarli ekanini ta’kidlashmoqda.
