Vinisius Mourinyuning tanqidlaridan norozi bo‘ldi

Madridning "Real" klubi hujumchisi Vinisius Junior "Benfika" bosh murabbiyi Joze Mourinyuning Chempionlar ligasi uchrashuvidan keyingi izohlaridan norozi bo‘ldi. Bu haqda Zamin.uz xabar berdi.

Bu haqda euro-football.ru xabar beradi. Seshanba kuni bo‘lib o‘tgan o‘yinda Vinisiusning yagona goli "Real" klubiga Portugaliyaning "Benfika" jamoasi ustidan 1:0 hisobida g‘alaba keltirdi.

Ammo gol nishonlanishi paytida yuzaga kelgan vaziyat bahs-munozaralarga sabab bo‘ldi. "Benfika" vakillari Vinisiusning harakatlarini provokatsiya sifatida baholadi.

Shu orada futbolchi irqchilik mazmunidagi haqoratlarga duch kelgani haqida xabarlar tarqaldi. Uchrashuvdan keyin Joze Mourinyu Vinisiusning goli nishonlanishini ochiq tanqid qildi.

U o‘z fikrlarida go‘yoki futbolchining o‘zi vaziyatga sababchi bo‘lgani haqida ishora qilgan. El Chiringuito TV ma’lumotlariga ko‘ra, bu izohlar Vinisiusni qattiq g‘azablantirgan.

Braziliyalik futbolchi Mourinyuning gaplarini eshitib, shok holatiga tushgani va ularni irqchilik haqoratlarini qisman oqlash sifatida qabul qilgani aytilmoqda. "Real" va "Benfika" o‘rtasidagi javob uchrashuvi kelasi hafta, chorshanba kuni bo‘lib o‘tishi rejalashtirilgan.

Mazkur bahs ham qiziqarli voqealarga boy bo‘lishi kutilmoqda.