Kompani: Ronaldinyo menga eng katta taassurot qoldirgan
"Bavariya" bosh murabbiyi Vensan Kompani futbolchilik faoliyati davomida duch kelgan eng kuchli raqiblari haqida o‘z fikrlarini bildirdi. Bu haqda Zamin.uz xabar berdi.
Bu haqda euro-football.ru xabar berdi. Belgiyalik mutaxassis braziliyalik futbolchi Ronaldinyoni alohida e’tirof etdi.
Ronaldinyo o‘z davrida PSJ, "Barselona" va "Milan" kabi yirik klublarda o‘ynab, ulkan muvaffaqiyatlarga erishgan. Kompanining ta’kidlashicha, Ronaldinyoning o‘yini unga boshqa futbolchilarga nisbatan kuchliroq taassurot qoldirgan.
"Menga eng katta taassurot qoldirgan futbolchi — Ronaldinyo. Haqiqatan ham, Ronaldu va Messi o‘z davrining eng yaxshi futbolchilari bo‘lishgan, lekin bir o‘yinda beradigan hissiyot va ta’sir jihatidan Ronaldinyo men uchun birinchi o‘rinda turadi", — dedi Kompani.
Eslatib o‘tamiz, Vensan Kompani 2020 yilda futbolchilik faoliyatini yakunlagan. U 2024 yildan buyon "Bavariya"ni boshqarib kelmoqda va jamoani o‘tgan mavsumda Bundesliga chempionligiga olib chiqqan.
