Osimhen «Galatasaray»da qolishni rejalashtirmoqda
Hujumchi Viktor Osimhen ayni paytda Turkiyaning «Galatasaray» klubida o‘zini qulay his qilmoqda va jamoasini almashtirishni rejalashtirmayapti. Bu haqda Zamin.uz xabar berdi.
Nigeriyalik futbolchi jamoaning ichki muhitidan hamda o‘yin uslubidan mamnun. Bu haqda euro-football.ru sayti xabar berdi.
Kelayotgan yozgi transfer oynasi oldidan bir nechta yirik klublar uning faoliyatini diqqat bilan kuzatishi mumkinligi aytilmoqda. Ammo hozircha Osimhen bilan bog‘liq aniq muzokaralar yoki rasmiy takliflar mavjud emas.
The Touchline manbasiga ko‘ra, agar kelajakda transfer amalga oshadigan bo‘lsa, bu qaror bevosita futbolchining o‘ziga bog‘liq bo‘ladi. Osimhen «Galatasaray» safida hozirgacha 64 ta rasmiy uchrashuvda maydonga tushib, 52 ta gol urishga muvaffaq bo‘lgan.
Shuningdek, u 13 ta golli uzatma amalga oshirgan. Transfermarkt ma’lumotlariga ko‘ra, 27 yoshli hujumchining transfer qiymati 75 million yevroga baholanmoqda.
