Zidan Fransiya terma jamoasiga qaytishi kutilmoqda
Zinedin Zidan Fransiya terma jamoasiga bosh murabbiy sifatida qaytishga yaqin turibdi. Bu haqda Zamin.uz xabar berdi.
Insayder Fabritsio Romanoning xabariga ko‘ra, 53 yoshli mutaxassis Fransiya futbol federatsiyasi bilan og‘zaki kelishuvga erishgan. Bu haqda euro-football.ru sayti ma’lum qildi.
Ma’lumotlarga ko‘ra, Madridning "Real" klubi sobiq bosh murabbiyi jahon chempionati yakunidan so‘ng Fransiya terma jamoasini boshqarishi kutilmoqda. Agar bu amalga oshsa, Zidan besh yil davom etgan tanaffusdan so‘ng murabbiylik faoliyatiga qaytadi.
Fransiya terma jamoasini hozirda Didye Desham boshqarib kelmoqda. U 2012 yil yozida murabbiylik lavozimini egallagan va jamoa bilan bir necha yirik turnirlarda muvaffaqiyatli ishtirok etgan.
2026 yilgi jahon chempionati guruh bosqichida Fransiya Senegal va Norvegiya bilan bir guruhda o‘ynaydi. Uchinchi raqib pley-off o‘yinlari natijasiga ko‘ra aniqlanadi.
Turnir 11 iyundan 19 iyulgacha davom etishi rejalashtirilgan.
