Fonseka: "Milan"da ko‘proq ishlashga loyiq edim
"Milan" jamoasining sobiq bosh murabbiyi Paulu Fonseka o‘zining Italiya klubidagi qisqa faoliyati haqida fikr bildirdi. Bu haqda Zamin.uz xabar berdi.
Bu haqida euro-football.ru xabar bergan. Portugaliyalik mutaxassisning ta’kidlashicha, u "Milan"da ko‘proq ishlash imkoniyatiga loyiq bo‘lgan.
Fonseka klubni kuchli va ajoyib jamoa sifatida baholab, u yerda faoliyat yuritishdan katta zavq olganini aytib o‘tgan. Ammo u vaqt yetishmagani bois afsusdaligini ham qo‘shimcha qilgan.
Uning so‘zlariga ko‘ra, klub rahbariyati jamoaning o‘yin uslubini yanada hujumkor shaklga o‘tkazishni istagan, biroq yillar davomida shakllangan tizimni qisqa muddatda o‘zgartirish oson emas. Eslatib o‘tamiz, Paulu Fonseka 2024 yilning iyulidan dekabrigacha "Milan" klubida bosh murabbiy sifatida ishlagan.
Hozirda u Fransiyaning "Lion" klubida bosh murabbiy lavozimida faoliyat olib bormoqda. Ayni paytda "Milan" jamoasi Massimiliano Allegri boshchiligida A Seriya turnir jadvalida ikkinchi o‘rinda, 54 ochko bilan harakat qilmoqda.
