Garri Keyn: "Barselona" transferi haqida eshitmaganman

Myunxenning "Bavariya" jamoasi hujumchisi Garri Keyn uning "Barselona"ga ehtimoliy transferi haqidagi xabarlarga o‘z munosabatini bildirdi. Bu haqda Zamin.uz xabar berdi.

Bu haqda euro-football.ru sayti xabar bermoqda. Avvalroq "Barselona" prezidenti Xavyer Vilaxoana ingliz futbolchisi bilan bog‘liq aloqalar haqida fikr bildirgan edi.

Biroq Garri Keyn Sky Sport’ga bergan intervyusida bu borada hech qanday ma’lumotga ega emasligini ta’kidladi. "Men bu haqda hech narsa eshitmaganman.

Bu masalalar bilan otam va akam shug‘ullanadi, lekin ular menga bu haqida biror narsa aytmagan. Hozircha men "Bavariya"da o‘zimni baxtli his qilyapman va bor e’tiborim klubimga qaratilgan.

Shunga qaramay, bunday gaplarni o‘zim uchun maqtov sifatida qabul qilaman", — dedi futbolchi. Ma’lumki, 32 yoshli hujumchining "Bavariya" bilan amaldagi shartnomasi 2027 yilgacha davom etadi.

Shu bilan birga, ayrim manbalarning xabariga ko‘ra, "Barselona" Keynni Robert Levandovskining kelajakdagi o‘rinbosari sifatida ko‘rayotgan bo‘lishi mumkin.