Denis Makarov jarohatdan forig‘ bo‘ldi, mashg‘ulotda qatnashmoqda

Qanot hujumchisi Denis Makarovning agenti Aleksey Babir futbolchining hozirgi holati haqida ma’lumot berdi. Bu haqda Zamin.uz xabar berdi.

Bu haqda euro-football.ru xabar qilmoqda. Eslatib o‘tamiz, Denis Makarov Moskvaning "Dinamo" klubidan Turkiyaning "Kayserispor" jamoasiga o‘tgan edi.

U yaqinda yengil jarohat olgani sababli bir muddat mashg‘ulotlarda qatnasha olmagan edi. Agentning so‘zlariga ko‘ra, Makarov jarohatdan to‘liq forig‘ bo‘lgan va hozirda jamoa bilan umumiy mashg‘ulotlarda to‘liq yuklama asosida shug‘ullanmoqda.

U klubga yaxshi moslashganini va o‘zini qulay his qilayotganini ham ta’kidlagan. Biroq kichik jarohat sababli asosiy tarkibdan joy olish jarayoni biroz kechikgan.

Ma’lum bo‘lishicha, Denis Makarov Turkiya chempionatida hozircha faqatgina bitta o‘yinda ishtirok etgan va 30 daqiqa davomida maydonda harakat qilgan. Yakshanba kuni "Kayserispor" Turkiya chempionati 23-turi doirasida "Antalyaspor" jamoasiga qarshi o‘yin o‘tkazishi rejalashtirilgan.

Makarovning ushbu uchrashuvda qatnashish imkoniyati haqida esa hozircha aniq xabar berilmagan.