Sebalyos xatosi «Real»ning mag‘lubiyatiga sabab bo‘ldi

Ispaniya La Ligasining 25-turida Madriddagi «Real» jamoasi safarda «Osasuna»ga qarshi bahs olib bordi va kutilmaganda 1:2 hisobida mag‘lub bo‘ldi. Bu haqda Zamin.uz xabar berdi.

Uchrashuvdan so‘ng «Real» yarim himoyachisi Dani Sebalyos o‘yin natijasi haqida o‘z fikrini bildirdi. Bu haqda euro-football.ru xabar berdi.

Sebalyos o‘zining ijtimoiy tarmoqlardagi sahifasida shunday yozdi: «Mag‘lubiyat uchun javobgarlikni o‘z zimmamga olaman». Ma’lum bo‘lishicha, «Osasuna» jamoasi g‘alaba golini o‘yin so‘ngida Sebalyosning noaniq uzatmasidan keyin kiritgan.

Joriy mavsumda Dani Sebalyos La Ligada 15 ta o‘yinda maydonga tushgan bo‘lsa-da, hali gol urmagan yoki golli uzatma amalga oshirmagan. Shunga qaramay, «Real» jamoasi turnir jadvalida birinchi o‘rinni egallab turibdi.

Madridliklar ikkinchi o‘rinda borayotgan «Barselona»dan ikki ochko oldinda. Biroq «Barselona»ning zaxirada bitta o‘yini borligi ham inobatga olinishi kerak.