Kompani: Garri Keyn aqlli va moslashuvchan futbolchi
Myunxenning "Bavariya" jamoasi bosh murabbiyi Vensan Kompani hujumchi Garri Keynning o‘yin uslubidagi o‘zgarishlar haqida fikr bildirdi. Bu haqda Zamin.uz xabar berdi.
So‘nggi vaqtlarda angliyalik futbolchi ko‘proq yarim himoya chizig‘iga qaytib, jamoadoshlariga pas berish va kombinatsiyalar yaratishda yordam bermoqda. Bu haqida euro-football.ru xabar bermoqda.
Kompani o‘z intervyusida futbolchilar imkoniyatlarini to‘g‘ri baholash muhimligini ta’kidladi: "Har doim qo‘limdagi o‘yinchilarning kuchli tomonlarini hisobga olaman. Garri juda aqlli futbolchi.
Himoyada ham o‘z vazifasini bajaradi, lekin to‘p bizda bo‘lganda, bu jarayonning 50 foizi murabbiyga, 50 foizi esa futbolchining qarorlariga bog‘liq. Men uning to‘g‘ri qaror qabul qilishiga ishonaman", — dedi u.
Shuningdek, Kompani o‘zining himoyachi sifatidagi faoliyati davrida Garri Keynga qarshi o‘ynaganini esladi. U buni hazil bilan izohlab o‘tdi: "Men himoyachi bo‘lganimda, Garri bilan ko‘p to‘qnash kelganman.
O‘sha vaqtda u doim hujum chizig‘ining oldida edi va uni qo‘riqlash unchalik qiyin emasdi. Lekin buni Garriга aytmang!" — deya kulgu bilan gapirdi Kompani Sky Sportsga bergan intervyusida.
Eslatib o‘tamiz, "Bavariya" jamoasi yaqinda "Ayntraxt" klubiga qarshi o‘yinda 3:2 hisobida g‘alaba qozondi.
