Hamza Abdelkarim "Barselona" safida debyutga yaqin
"Barselona" futbol klubi hujumchisi Hamza Abdelkarim yaqin kunlarda rasmiy o‘yinlarda qatnashish imkoniyatiga ega bo‘lishi kutilmoqda. Bu haqda Zamin.uz xabar berdi.
Ma’lumki, kataloniyaliklar 18 yoshli ushbu futbolchini fevral oyida o‘z tarkibiga qo‘shib olishgan edi. Biroq misrlik futbolchining ish ruxsatnomasini rasmiylashtirish jarayonida qiyinchiliklar yuzaga kelgan.
Bu haqda euro-football.ru xabar bermoqda. Jurnalist Ashraf ben Ayadning ma’lumotiga ko‘ra, hozirda bu masala deyarli hal etilgan va tez orada Hamza Abdelkarim "Barselona" safida o‘z debyutini o‘tkazishi mumkin.
Klub yosh futbolchini Misrning "Al-Ahli" jamoasidan mavsum oxirigacha ijaraga olgan. Shartnomada keyinchalik uni sotib olish imkoniyati ham nazarda tutilgan.
Yosh hujumchi joriy mavsum davomida asosan tajriba to‘plash maqsadida "Barselona"ning zaxira jamoasida o‘ynashi kutilmoqda. Ushbu jamoa Ispaniya chempionatining kuchi bo‘yicha to‘rtinchi ligasida ishtirok etadi.
Abdelkarimning kelajakda asosiy tarkibga kirishi va "ko‘k-anorranglilar" safida muvaffaqiyatli o‘ynashi uchun katta umidlar bog‘lanmoqda.
