Rossiya va Mali ilk bor maydonda to‘qnashadi
Rossiyalik murabbiy Valeriy Nepomnyashchiy Rossiya va Mali terma jamoalari o‘rtasidagi o‘rtoqlik uchrashuvi oldidan o‘z fikrlarini bildirdi. Bu haqda Zamin.uz xabar berdi.
Mazkur uchrashuv 27-mart kuni bo‘lib o‘tishi rejalashtirilgan. Bu haqda euro-football.ru xabar berdi.
Nepomnyashchiyning so‘zlariga ko‘ra, hozirgi sharoitda Rossiya terma jamoasi ma’lum darajada xalqaro aloqalardan cheklangan bo‘lsa-da, har qanday raqib bilan o‘ynash jamoa uchun foydali bo‘ladi. U Mali terma jamoasini mutlaq kuchli jamoa deb hisoblamasligini, ammo o‘yin oson kechmasligini ta’kidladi.
Shuningdek, murabbiy Afrika jamoalarining o‘ziga xos o‘yin uslubiga e’tibor qaratdi. U Senegal va Kamerun jamoalarini texnik mahorati bilan ajralib turuvchi jamoalar sifatida, Gana va Malini esa inglizcha o‘yin uslubiga yaqin bo‘lgan jamoalar sifatida baholadi.
Ma’lumotlarga ko‘ra, Mali FIFA reytingida 54-o‘rinni egallab turibdi. Rossiya terma jamoasi esa Valeriy Karpin boshqaruvi ostida 36-o‘rinda qayd etilgan.
Qiziqarli jihati shundaki, ushbu ikki jamoa bungacha biror marta o‘zaro uchrashmagan. Shu sababli bu o‘yin mutaxassislar va futbol ishqibozlari uchun qiziq voqea bo‘lishi kutilmoqda.
