Marelli: "Parma"ning goli bekor qilinishi kerak edi
Italiya A Seriyasining sobiq hakami Luka Marelli "Parma" va "Milan" jamoalari o‘rtasidagi o‘yin haqida o‘z fikrlarini bildirdi. Bu haqda Zamin.uz xabar berdi.
Ushbu uchrashuvda "Milan" darvozasiga urilgan bahsli gol katta munozaralarga sabab bo‘ldi. O‘yin 26-tur doirasida o‘tkazilib, 0:1 hisobida "Parma"ning g‘alabasi bilan yakunlandi.
Bu haqda euro-football.ru xabar berdi. Luka Marelli hozirda DAZN platformasida hakamlik masalalari bo‘yicha tahlilchi sifatida faoliyat yuritadi.
U mazkur vaziyatni ikki jihatdan baholadi: birinchisi, Troilo va Bartesagi o‘rtasidagi to‘qnashuv, ikkinchisi esa gol urilishidan oldin Valentining "Milan" darvozaboni Mayk Menyanga xalaqit berishi. Marellining so‘zlariga ko‘ra, Troilo va Bartesagi o‘rtasidagi vaziyatda qoida buzilishi aniq ko‘rinmagan.
Ammo Valenti darvozabon Menyanga yo‘lni to‘sib, uning harakatlanishiga ataylab xalaqit bergan. Marelli ushbu holat yuzasidan quyidagicha fikr bildirdi: "Qoidalar nuqtayi nazaridan bu gol hisobga olinmasligi kerak edi".
Shundan so‘ng, turnir jadvalida "Parma" 12-o‘rinni egallab turibdi, "Milan" esa 2-o‘rinda joylashgan bo‘lib, yetakchi "Inter"dan 10 ochko ortda qolmoqda.
