Loftus-Chik jarohat oldi, mavsumni erta yakunlashi mumkin
"Milan" jamoasi yarim himoyachisi Ruben Loftus-Chik "Parma"ga qarshi o‘yinda jag‘idan jiddiy jarohat oldi. Bu haqda Zamin.uz xabar berdi.
Futbolchi dushanba kuni jarrohlik amaliyoti o‘tkazadi. Bu haqda euro-football.ru xabar berdi.
Italiyaning Sky manbasiga ko‘ra, jarrohlik amaliyoti murakkab bo‘lishi mumkin. Operatsiyadan so‘ng futbolchi bir muddat zond orqali ovqatlanishga majbur bo‘lish ehtimoli bor.
Bunday turdagi jarohatlar futbolda kam uchraydi, shu sababli uning tiklanish muddati hozircha aniq emas. Ekspertlarning taxminlariga ko‘ra, Loftus-Chik 2025/2026 yilgi mavsumning qolgan qismini ham o‘tkazib yuborishi mumkin.
Ma’lumot uchun, "Milan" jamoasi yakshanba kungi uchrashuvda "Parma"ga 0:1 hisobida mag‘lub bo‘ldi. Massimiliano Allegri boshchiligidagi jamoa hozirda A Seriyada ikkinchi o‘rinda bormoqda va peshqadam "Inter"dan 10 ochko ortda qolmoqda.
