Matvey Safonov: mahorat va ishonchli darvozabonlik namunasi

Rossiya terma jamoasining sobiq darvozaboni Aleksandr Filimonov Matvey Safonovning “PSJ” klubidagi o‘yini va natijalari haqida o‘z fikrlarini bildirdi. Bu haqda Zamin.uz xabar berdi.

Bu haqda euro-football.ru xabar bermoqda. Filimonovning ta’kidlashicha, Safonov ketma-ket to‘rtta penaltini qaytargani tasodif yoki omad emas, balki uning yuqori darajadagi mahoratidan dalolatdir.

Unga ko‘ra, penaltini qaytarishdagi muvaffaqiyat muxlislarning hissiyotlari bilan bog‘liq bo‘lgan “performans” emas, aksincha, Safonovning tajribasi va darvozabonlik mahoratining yorqin namunasidir. Matvey Safonov hozirgi kunda “PSJ” safida asosiy darvozabon maqomini mustahkamlab bormoqda.

U Yevropa Chempionlar Ligasida joriy mavsum uchta o‘yinda ishtirok etib, uchta gol o‘tkazib yubordi va bir uchrashuvda darvozasini daxlsiz saqlashga muvaffaq bo‘ldi. Shuningdek, Liga 1 doirasida ham Safonov olti o‘yinda maydonga tushib, olti gol o‘tkazgan, uch uchrashuvda esa darvozasini “quruq” saqlagan.

Tajribali darvozabonning muntazam ravishda yuqori natijalar ko‘rsatishi uning jamoasi uchun muhim ahamiyat kasb etmoqda.