Shomurodov Turkiya chempionatida to‘purarlar ro‘yxatida yetakchi
O‘zbekiston terma jamoasi hujumchisi Eldor Shomurodov Turkiya chempionatida faoliyat olib borayotgan “Istanbul Bashakshehir” klubi safida eng sermahsul futbolchilardan biri sifatida ajralib turibdi. Bu haqda Zamin.uz xabar berdi.
Bu haqda euro-football.ru xabar bergan. 21-fevral holatiga ko‘ra, Shomurodov “gol+pas” tizimi bo‘yicha 20 ochko jamg‘argan.
U 16 ta gol va 4 ta golli uzatma amalga oshirgan bo‘lib, bu ko‘rsatkich bilan turnirning to‘purarlar ro‘yxatida yetakchilik qilmoqda. Eldor Shomurodovning natijalari hatto “Galatasaray” jamoasining yulduz futbolchilari bilan taqqoslaganda ham ancha yuqori.
Masalan, Mauro Ikardining barcha o‘yinlardagi gollari 13 tani tashkil etsa, Viktor Osimhen Turkiya chempionatida 9 ta gol urgan. Shu o‘rinda eslatib o‘tamiz, Eldor Shomurodov O‘zbekiston terma jamoasining ham asosiy hujumchilaridan biri bo‘lib, jamoa 2026 yilda Shimoliy Amerikada o‘tadigan jahon chempionatiga yo‘llanma olgan.
Bu nafaqat Eldor, balki butun O‘zbekiston futboli uchun katta muvaffaqiyat hisoblanadi.
