Manuel Noyer «Borussiya»ga qarshi o‘yinga qaytishi mumkin
Fevral oyining o‘rtalarida «Bavariya» darvozaboni Manuel Noyer jarohat olib, taxminan uch haftaga safdan chiqishi haqida xabar berilgandi. Bu haqda Zamin.uz xabar berdi.
Biroq tajribali futbolchi kutilganidan tezroq maydonga qaytishi mumkinligi ma’lum bo‘ldi. Bu haqda euro-football.ru nashri xabar bermoqda.
Bild nashrining yozishicha, Noyer dushanba kuni darvozabonlar murabbiyi va reabilitatsiya mutaxassisi bilan birgalikda mashg‘ulot o‘tkazgan. Hozircha unga og‘ir yuklamalar berilmagan, ammo to‘p bilan ishlashi uning tiklanish jarayoni yaxshi kechayotganidan dalolat beradi.
Germaniyada Manuel Noyer 28-fevral, shanba kuni bo‘lib o‘tadigan «Borussiya Dortmund»ga qarshi o‘yinda maydonga tushishi mumkinligi haqida gap-so‘zlar tarqaldi. Agar shunday bo‘lsa, bu ko‘pchilikni hayratga solishi mumkin.
Hozirda «Bavariya» Germaniya Bundesligasida birinchi o‘rinni egallab turibdi. «Borussiya Dortmund» esa ikkinchi o‘rinda, peshqadamdan sakkiz ochko ortda qolmoqda.
Bu qarama-qarshilik chempionatning qiziqarli o‘yinlaridan biri bo‘lishi kutilmoqda.
