Ronaldu "Arkadag"ga qarshi o‘yinda maydonga tushmaydi
"Al-Nasr" jamoasi bosh murabbiyi Jorje Jezushning aytishicha, Krishtianu Ronaldu yaqinlashib kelayotgan o‘yinda maydonga tushmaydi. Bu haqda Zamin.uz xabar berdi.
Bu haqda euro-football.ru xabar berdi. Ar-Riyodning "Al-Nasr" jamoasi chorshanba kuni Osiyo Chempionlar Ligasi doirasida Turkmanistonning "Arkadag" jamoasiga qarshi o‘yin o‘tkazadi.
Portugaliyalik hujumchining tez orada maydonga qaytishi kutilayotgan edi, biroq bu safar ham u tarkib ro‘yxatiga kiritilmadi. Jorje Jezushning so‘zlariga ko‘ra, bunday qaror jamoaning tig‘iz o‘yinlar jadvali sababli qabul qilingan.
U shunday dedi: "Biz Ronaldu va bir qator asosiy tarkib futbolchilariga dam berishga qaror qildik. Oldinda "Al-Fateh"ga qarshi muhim uchrashuv bor." Shuningdek, murabbiy Krishtianu Ronalduning Saudiya Arabistonidan tashqarida o‘tadigan o‘yinlarda vaqti-vaqti bilan maydonga tushmasligi avval ham kuzatilganini ta’kidladi.
Saudiya Pro-ligasidagi "Al-Fateh" va "Al-Nasr" o‘yini shanba, 14-fevral kuni bo‘lib o‘tishi rejalashtirilgan.
