«Strasbur» stadionida bahsli bannerlar mojarosi yuz berdi

Fransiya chempionati 23-turida bo‘lib o‘tgan «Strasbur» va «Lion» jamoalari o‘rtasidagi uchrashuvda «Strasbur» 3:1 hisobida g‘alaba qozondi. Bu haqda Zamin.uz xabar berdi.

Ushbu o‘yin davomida «Stad de la Meno» stadionida tartibsizliklar sodir bo‘ldi. Bu haqda euro-football.ru xabar berdi.

Mojaroga stadion tribunalarida o‘ta o‘ng qarashlarni targ‘ib qiluvchi shiorlar yozilgan bannerlarning paydo bo‘lishi sabab bo‘ldi. L’Equipe nashriga ko‘ra, ushbu bannerlarni mustaqil shaxslar guruhi, jumladan, sentabr oyida fransuz hukumati tomonidan tarqatib yuborilgan Offenders nomli xuliganlar guruhining sobiq a’zolari joylashtirgan.

Stadion xavfsizlik xodimlari bannerlarni darhol olib tashlashga harakat qilishdi, ammo bu mojaroni to‘xtatishga yetarli bo‘lmadi. Tribunada bunday mazmundagi materiallarga qarshi bo‘lgan UB90 guruhining a’zolari bannerlarni olib tashlashni talab qilganlar bilan to‘qnash kelishdi.

Hodisa tafsilotlari kuzatuv kameralaridagi yozuvlar orqali o‘rganilmoqda va tegishli idoralarga topshirilgan. Dastlabki ma’lumotlarga ko‘ra, mazkur voqea davomida hech kim jabrlanmagan.

Hozirda tekshiruv ishlari davom etmoqda.