«Strasbur» – «Lion» o‘yinida tartibsizliklar yuz berdi

Fransiya chempionatining 23-tur o‘yinida «Strasbur» jamoasi «Lion»ni 3:1 hisobida mag‘lubiyatga uchratdi. Bu haqda Zamin.uz xabar berdi.

Uchrashuv «Stad de la Meno» stadionida o‘tkazilgan bo‘lib, o‘yin davomida ba’zi tartibsizliklar yuzaga keldi. Bu haqda euro-football.ru xabar berdi.

Hodisa ayrim shaxslarning hukumat tomonidan sentabr oyida tarqatilgan Offenders xuligan guruhi sobiq a’zolari bilan bog‘liq bo‘lib, ular stadionda o‘ta o‘ng qarashlarni targ‘ib qiluvchi shiorlar yozilgan bannerlarni yoygani sababli yuzaga kelgan. Stadion xavfsizlik xodimlari mazkur bannerlarni tezda olib tashlashga muvaffaq bo‘lishgan, ammo bu kelishmovchilikni to‘xtatishga yetarli bo‘lmadi.

UB90 guruhi vakillari bunday mazmundagi bannerlarning stadionga kiritilishiga qarshi chiqqan holda, tartibsizliklarni keltirib chiqargan shaxslar bilan janjallashib qolgan. Ushbu voqea stadion kuzatuv kameralariga qayd etilgan bo‘lib, yozuvlar tegishli idoralarga topshirilgan.

Hozirda holat yuzasidan tekshiruv ishlari davom etmoqda. Dastlabki ma’lumotlarga ko‘ra, voqea natijasida hech kim jabr ko‘rmagan.