Shomurodov Turkiya chempionatida to‘purar bo‘ldi
O‘zbekiston milliy terma jamoasi va "Istanbul Bashakshehir" klubi hujumchisi Eldor Shomurodov Turkiya chempionatida eng sermahsul futbolchi sifatida birinchi o‘rinni egalladi. Bu haqda Zamin.uz xabar berdi.
Bu haqda "Euro-football.ru" xabar berdi. 21-fevral holatiga ko‘ra, Eldor Shomurodov "gol+pas" tizimida 20 ochko to‘plagan.
U 16 ta gol urib, 4 ta samarali uzatma bergan. Bu natijalar unga turnir to‘purarlar ro‘yxatida birinchi o‘rinni egallash imkonini berdi.
Shomurodovning natijalari Turkiya chempionatidagi boshqa yulduz futbolchilar bilan taqqoslanganda ham ancha yuqori. Masalan, "Galatasaray" hujumchisi Mauro Ikardi barcha o‘yinlarda 13 ta gol urgan bo‘lsa, Viktor Osimhen milliy chempionat doirasida 9 ta gol bilan cheklangan.
Shuningdek, eslatib o‘tamiz, Eldor Shomurodov a’zosi bo‘lgan O‘zbekiston milliy terma jamoasi 2026-yilda Shimoliy Amerikada o‘tkaziladigan jahon chempionati yo‘llanmasini qo‘lga kiritgan. Bu esa mamlakat futboli uchun tarixiy voqea bo‘ldi.
