«Strasbur» – «Lion» o‘yinida tartibsizliklar yuz berdi
Fransiya chempionatining 23-turida «Strasbur» jamoasi o‘z uyida «Lion»ni 3:1 hisobida mag‘lub etdi. Bu haqda Zamin.uz xabar berdi.
Ushbu o‘yin davomida «Stad de la Meno» stadionida tartibsizliklar yuzaga keldi. Bu haqda euro-football.ru xabar berdi.
Mojaroga tribunalarda ultrao‘ng shiorlar yozilgan bannerlarning paydo bo‘lgani sabab bo‘lgan. Ushbu bannerlarni mustaqil shaxslar guruhi yoygani, ular orasida ilgari fransuz hukumati tomonidan tarqatib yuborilgan Offenders xuliganlar guruhi sobiq a’zolari ham borligi aytilmoqda.
Styuardlar bannerlarni tezda olib tashlashga muvaffaq bo‘lishgan, biroq bu harakat mojaroni to‘xtata olmadi. UB90 guruhi vakillari bunday chaqiriqlarga qarshi chiqib, tartibsizlikka sabab bo‘lgan shaxslar bilan to‘qnash kelgan.
Rasmiy ma’lumotlarga ko‘ra, stadiondagi kuzatuv kameralaridagi yozuvlar tegishli idoralarga taqdim etilgan va holat bo‘yicha surishtiruv ishlari olib borilmoqda. Yaxshiyamki, ushbu hodisa oqibatida hech kim jarohat olmagan.
