Rodrigo Real Madridni tark etishi mumkin

Yozgi transferlar oynasi yaqinlashib kelmoqda va bu Real Madrid tarkibida o‘zgarishlar yuz berishi ehtimolini oshirmoqda. Bu haqda Zamin.uz xabar berdi.

So‘nggi paytlarda ommaviy axborot vositalarida hujumchi Rodrigo klubni tark etishi mumkinligi haqida ko‘p gapirilyapti. Sababi, yangi mavsumda uning jamoada tutgan o‘rni avvalgidek muhim emasligi aytilmoqda.

Bu haqda *euro-football.ru* xabar bergan. The Touchline nashrining xabariga ko‘ra, Real Madrid Rodrigoni klubdagi eng “oson sotiladigan aktiv” sifatida ko‘rayotgan bo‘lishi mumkin.

Braziliyalik hujumchiga ayniqsa Angliya Premyer-ligasi klublari tomonidan katta qiziqish bildirilayotgani qayd etilgan. Transfermarkt ma’lumotlariga ko‘ra, 25 yoshli futbolchining narxi 60 million yevroga baholanmoqda.

Rodrigoning Real Madrid bilan amaldagi shartnomasi 2028 yilgacha davom etadi. O‘tgan mavsumda u 26 ta uchrashuvda maydonga tushib, 3 ta gol urgan va 6 ta golli uzatmani amalga oshirgan.

Shu sababli, uning kelajagi transferlar oynasida diqqat markazida bo‘lishi kutilmoqda.