Toshich Rossiya va Serbiya o‘yinini takrorlashni istaydi

Moskvaning CSKA jamoasida faoliyat yuritgan sobiq futbolchi Zoran Toshich Rossiya va Serbiya milliy terma jamoalari o‘rtasida yana bir o‘rtoqlik uchrashuvi o‘tkazish g‘oyasiga munosabat bildirdi. Bu haqda Zamin.uz xabar berdi.

Bu haqda euro-football.ru xabar bermoqda. Toshichning aytishicha, bunday o‘yinlarni nafaqat Rossiyada, balki Serbiya poytaxti Belgradda ham tashkil etish mumkin.

Unga ko‘ra, avvalgi o‘yinlar futbol muxlislari uchun iliq taassurot qoldirgan, shuning uchun imkoniyat bo‘lsa, bu tajribani yana takrorlash kerak. Sobiq futbolchi, shuningdek, Serbiya terma jamoasi 2026 yilda Shimoliy Amerikada bo‘lib o‘tadigan jahon chempionati saralash bosqichida kutilgan natijalarni ko‘rsata olmaganini ham ta’kidladi.

Ma’lumot o‘rnida aytib o‘tamiz, 2024 yilda Rossiya va Serbiya o‘zaro o‘rtoqlik uchrashuvini o‘tkazgan edi. Moskvaning “VTB Arena” stadionida bo‘lib o‘tgan o‘sha bahsda Rossiya jamoasi Serbiyani 4:0 hisobida yirik mag‘lubiyatga uchratgan.

O‘yin davomida rossiyalik futbolchilar son jihatidan ustunlikka ega bo‘lib, deyarli butun bahsni nazorat qilgan edi.