Desham: Argentina g‘alabasiga e’tirozim yo‘q, hammasi adolatli bo‘lgan
Fransiya terma jamoasi bosh murabbiyi Didye Desham 2022 yilgi jahon chempionati natijalari va Argentina g‘alabasi atrofidagi bahslarga yana bir bor to‘xtaldi. Bu haqda Zamin.uz xabar berdi.
Bu haqda "Euro-football.ru" xabar berdi. Eslatib o‘tamiz, o‘sha mundial finalida Argentina jamoasi Fransiyani mag‘lub etgan edi.
120 daqiqa davom etgan o‘yinda hisob 3:3 bo‘lib qolgan, penaltilar seriyasida esa Argentina aniqroq harakat qilib, g‘alabani qo‘lga kiritgan. Deshamning ta’kidlashicha, Argentina jamoasiga turnir davomida raqiblariga qarshi faqat bir bahsli penalti belgilangan, u ham Polshaga qarshi o‘yinda bo‘lib, amalga oshmagan.
Shuningdek, u Argentina jamoasining 15 ta golining to‘rttasi penaltidan kiritilganini qayd etdi. Deshamning fikriga ko‘ra, birinchi o‘yinda argentinaliklarning uchta goli bekor qilingan, Niderlandiyaga qarshi o‘yinda esa hakam tomonidan qo‘shimcha vaqt me’yoridan ortiq belgilangan va bahsli holatlar qayd etilgan.
“Finalda Argentina jamoasiga yordam berilgan, degan gaplarni tushunmayman. Biz penaltilar bo‘yicha e’tiroz bildirmadik, chunki hammasi adolatli edi.
Argentina va Fransiya birgalikda mundiallar tarixidagi eng esda qolarli finallardan birini taqdim etdi. Ularni bu muvaffaqiyatlari bilan tabriklayman”, — dedi Desham.
Ma’lum qilinishicha, Didye Desham 2026 yilgi jahon chempionati yakunidan so‘ng Fransiya terma jamoasi bosh murabbiyligidan ketishni rejalashtirmoqda.
