Manuel Noyer kelajagi borasida hali qaror qilgani yo‘q
"Bavariya" jamoasining darvozaboni Manuel Noyer o‘z kelajagi haqida hali aniq qarorga kelgani yo‘q. Bu haqda Zamin.uz xabar berdi.
Bu haqda euro-football.ru xabar berdi. Kicker nashrining ma’lumotiga ko‘ra, Myunxen klubi rahbariyati Noyer bilan shartnomani yana bir mavsumga uzaytirishni rejalashtirmoqda.
Ammo 39 yoshli futbolchi o‘z qarorini jismoniy holati va sog‘lig‘i bilan bog‘liq holda qabul qilishini bildirgan. Noyer faoliyatini xorijda davom ettirishni rejalashtirmayapti.
U o‘z faoliyatini "Bavariya"da yakunlash niyatida. Bu mavsum oxirida sodir bo‘ladimi yoki keyinroq — hozircha noma’lum.
Manuel Noyer 2011 yilda "Shalke"dan "Bavariya"ga 30 million yevro evaziga o‘tgan edi. Uning amaldagi shartnomasi 2026 yilning 30 iyuniga qadar amal qiladi.
Joriy mavsumda darvozabon 28 uchrashuvda maydonga tushib, 27 ta gol o‘tkazib yuborgan va 9 bahsda darvozasini daxlsiz saqlab qolishga muvaffaq bo‘lgan. Manba: euro-football.ru
