“Galatasaray” Hakan Chalhanogluni transfer qilishni rejalashtirmoqda

“Galatasaray” futbol klubi vitse-prezidenti Abdulla Kavukchu klubning “Inter” jamoasi yarim himoyachisi Hakan Chalhanogluni o‘z safiga qo‘shishni istaganini ma’lum qildi. Bu haqda Zamin.uz xabar berdi.

Bu haqda *euro-football.ru* xabar berdi. Kavukchuning so‘zlariga ko‘ra, Istanbul klubi ushbu futbolchini qo‘lga kiritish uchun qishda yana bir bor harakat qilgan.

Ularning bu boradagi urinishlari doirasida “Inter” rahbariyati bilan uchrashuv o‘tkazilgan. Biroq milanliklar Hakan Chalhanogluning qishki transfer oynasi davomida klubni tark etmasligini qat’iy bildirgan.

Kavukchu turk futbolchisi mamlakat milliy jamoasi uchun ramziy ahamiyatga ega ekanini va Chalhanogluning “Galatasaray” muxlisi ekanini alohida ta’kidlab o‘tgan. “Qachon sodir bo‘lishini bilmayman, lekin bir kun u bizning klubimiz safida o‘ynaydi”, — deydi vitse-prezident “Football Italia” nashriga bergan intervyusida.

Hakan Chalhanoglu 2021 yilda “Milan” klubidan “Inter”ga erkin agent sifatida o‘tgan. Uning shartnomasi 2027 yilning 30 iyunigacha amal qiladi.

Joriy mavsumda Chalhanoglu “Inter” tarkibida 23 ta o‘yinda maydonga tushib, 8 ta gol urdi va 4 ta golli uzatma amalga oshirdi.