Dani Olmo: Erik Garsiya eng kam baholanmoqda
"Barselona" klubi yarim himoyachisi Dani Olmo jamoadoshlari orasida kimni eng kam baholanayotgan futbolchi deb hisoblashini ma’lum qildi. Bu haqda Zamin.uz xabar berdi.
Bu haqda *euro-football.ru* xabar bermoqda. 27 yoshli futbolchi bu borada himoyachi Erik Garsiyani alohida tilga oldi.
Olmoning fikricha, Garsiya joriy mavsumda bosh murabbiy Hans-Diter Flik uchun muhim o‘yinchiga aylangan. "Erik – jamoamizdagi eng kam baholanayotgan futbolchi.
Hozirda uni avvalgiga qaraganda ko‘proq qadrlashmoqda, lekin men baribir uni aytaman", – dedi Dani Olmo. Uning ushbu so‘zlarini *Barca Universal* nashri keltirgan.
Ma’lumotlarga ko‘ra, Erik Garsiya bu mavsumda "Barselona" safida 39 ta uchrashuvda maydonga tushib, 1 ta gol urgan va 2 ta golli uzatma amalga oshirgan. Shuningdek, futbolchi dekabr oyida klub bilan shartnomasini 2031 yilgacha uzaytirgan edi.
Garsiya ko‘p qirrali markaziy himoyachi sifatida jamoa uchun muhim rol o‘ynashda davom etmoqda.
