Rossiya Mali bilan o‘ynaydi, Gonduros taklifni rad etdi

Rossiya terma jamoasining bahorgi yig‘ini boshlanishiga bir oydan kam vaqt qoldi. Bu haqda Zamin.uz xabar berdi.

Shunga qaramay, Rossiya futbol ittifoqi o‘rtoqlik uchrashuvlarida qatnashadigan raqiblar ro‘yxatini hali rasman e’lon qilgani yo‘q. Biroq dastlabki raqib Mali bo‘lishi ma’lum bo‘ldi.

Afrikalik futbolchilar bu borada kelishuvga erishilganini tasdiqlashgan. Bu haqda euro-football.ru xabar bermoqda.

Shuningdek, Sport24 ma’lumotiga ko‘ra, Rossiya futbol ittifoqi Gonduros terma jamoasiga ham o‘rtoqlik o‘yini taklifini bergan. Ammo Gonduros futbol federatsiyasi Sankt-Peterburgda mart oyining oxirida o‘yin o‘tkazish taklifini rad etgan.

Bunga sabab sifatida jamoaning xalqaro tanaffus kunlari uchun boshqa rejalar tuzib qo‘yganligi ko‘rsatilgan. Hozirda Gonduros milliy terma jamoasi FIFA reytingida 65-o‘rinni egallab turibdi.