Dani Olmo: Markaziy rolda o‘ynash tajribam oshmoqda
"Barselona" futbol jamoasi yarim himoyachisi Dani Olmo Pedrining jarohati sabab uning pozitsiyasida o‘ynash qanday kechayotgani haqida o‘z fikrlarini bildirdi. Bu haqda Zamin.uz xabar berdi.
Bu haqda euro-football.ru xabar bermoqda. 27 yoshli ispaniyalik futbolchi odatda hujum chizig‘iga yaqinroq harakat qiladi.
Ammo Pedri safdan chiqqanidan so‘ng, jamoa markazida ko‘proq mas’uliyatni o‘z zimmasiga olishiga to‘g‘ri kelmoqda. Olmo bu yangi vazifada o‘z tajribasi haqida gapirar ekan, markaziy yarim himoyachi sifatida to‘p bilan ko‘proq muloqotda bo‘lishini ta’kidladi.
Uning so‘zlariga ko‘ra, hujumning "o‘nlik" pozitsiyasida ba’zan o‘yindan uzilib qolish mumkin, ammo markaziy pozitsiyada bu holatlar kamroq uchraydi. Shuningdek, u raqiblar himoyada chuqur o‘ynaganda ham uni yopib qo‘yish ancha mushkul bo‘lishini qo‘shimcha qildi.
Shu bilan birga, Olmo yangi rolda duch kelayotgan eng qiyin vaziyatlarni ham tilga oldi. Uning fikricha, raqiblar tezkor hujumga o‘tgan paytda, himoyaga qaytish va qarshi hujumni to‘xtatish jarayoni eng noqulay jihatlardan biri hisoblanadi.
Shanba kuni "Barselona" o‘z maydonida "Vilyarreal" jamoasini qabul qiladi. Mazkur o‘yinda Dani Olmo jamoa uchun muhim rol o‘ynashi kutilmoqda.
