Galatasarayda moliyaviy inqiroz: futbolchilar maoshsiz qoldi

Galatasaray futbol klubida moliyaviy muammolar kuzatilmoqda. Bu haqda Zamin.uz xabar berdi.

Konyaspor jamoasiga kutilmagan mag‘lubiyatdan so‘ng, klub atrofida ichki muammolar borligi haqidagi gap-so‘zlar kuchaydi. TR24 portali xabariga ko‘ra, jamoa futbolchilari uch oydan buyon o‘z maoshlarini ololmayapti.

Bu haqda euro-football.ru sayti ma’lumot berdi. Klub rahbariyati mazkur vaziyat yuzasidan izoh bermayapti.

Bu esa ommaviy axborot vositalari va muxlislarning qiziqishini yanada kuchaytirmoqda. Moliyaviy masalalar futbolchilar va murabbiylar o‘rtasida taranglikni oshirayotgani ham ehtimoldan holi emas.

Mahalliy jurnalist Xalik Yurekli so‘nggi voqealar fonida Galatasarayning chempionlik poygasidagi imkoniyatlarini shubhali deb baholadi. Hozirda jamoa 55 ochko bilan chempionat peshqadami hisoblanadi.

Ammo 52 ochkoga ega va bitta zaxira o‘yini bor Fenerbahche jamoasi Galatasarayni quvib o‘tishi mumkin. Shu sababli, klubda ichki muammolarni tezda hal qilish zarurati ortmoqda.