«Galatasaray» futbolchilari uch oydan beri maosh olmagan

Kuni kecha «Galatasaray» klubi atrofida noxush xabarlar tarqaldi. Bu haqda Zamin.uz xabar berdi.

Ma’lum bo‘lishicha, futbolchilar uch oydan beri o‘z maoshlarini ololmayapti. Bu haqda TR24 portali xabar bergan.

Mavjud muammo jamoa ichida taranglikni oshirgan, biroq klub rahbariyati hozircha vaziyat yuzasidan rasmiy bayonot bermagan. Ushbu holat ommaviy axborot vositalari va muxlislar o‘rtasida katta qiziqish uyg‘otmoqda.

Mahalliy jurnalist Halik Yurekli bunday vaziyat «Galatasaray»ning chempionlik imkoniyatlariga salbiy ta’sir ko‘rsatishi mumkinligini ta’kidladi. Hozirda jamoa 55 ochko bilan chempionat jadvalida peshqadamlik qilmoqda.

Biroq 52 ochkoga ega bo‘lgan va bitta o‘yini zaxirada qolayotgan «Fenerbahche» yaqin orada «Galatasaray»ni quvib o‘tishi ehtimoli bor. Klubning so‘nggi o‘yinlarda natijasi ham ideal emas.

«Konyaspor»ga qarshi o‘yinda kutilmagan mag‘lubiyatga uchragan jamoa uchun bu moliyaviy muammolar va ichki taranglikni yanada kuchaytirishi mumkin. Muxlislar va futbol jamoatchiligi endi klub rahbariyatining rasmiy izohini kutmoqda.

Ma’lumot manbasi: euro-football.ru.