Mark Giu "Chelsi"ni tark etishga qaror qildi
"Chelsi" hujumchisi Mark Giu jamoani tark etish niyatida ekanligini klub rahbariyatiga ma’lum qildi. Bu haqda Zamin.uz xabar berdi.
U bu qarorini muntazam o‘yin amaliyotiga ega bo‘lmayotgani bilan izohladi. Bu haqda euro-football.ru xabar berdi.
Mark Giu o‘tgan yilning avgust oyida "Chelsi"dan "Sanderlend" klubiga ijara asosida o‘tgan edi. Ammo atigi 26 kundan so‘ng, "Chelsi"ning boshqa hujumchisi Liam Delap jarohat olganligi sababli, klub uni ijaradan muddatidan oldin chaqirib oldi.
Joriy mavsumda 20 yoshli futbolchi Angliya Premyer-ligasida 9 ta uchrashuvda maydonga tushdi. Ammo faqat bir marta asosiy tarkibda o‘yinni boshladi.
Shu davr mobaynida Giu o‘z hisobiga faqat bitta golli uzatma yozdirib qo‘yishga muvaffaq bo‘ldi. Transfermarkt ma’lumotlariga ko‘ra, Mark Giuning bozor qiymati 12 million yevroni tashkil etadi.
U o‘z faoliyatini davom ettirish uchun ko‘proq o‘yin amaliyotiga ega bo‘lishni istamoqda. Shu sababli, futbolchi yozgi transfer oynasida yangi klubga o‘tishni reja qilmoqda.
